Мурда бул кызматты Уланбек Казиев ээлеп турган, ал башка жумушка өткөндүктөн өз кызматынан кеткен. Анын ордуна Нурбек Соодонбеков келди, ал буга чейин Кара-Бургон айыл өкмөтүнүн башчысы болуп иштеген.
Нурбек Келдибекович Соодонбеков 1978-жылдын 10-августунда Бишкекте төрөлгөн. Ал үй-бүлөлүү.
Билими:
- 1984-1994-жылдары Кара-Бургон айылында жайгашкан Молдобасан атындагы орто мектепте (азыркы учурда Мукас Базаркулов атында) билим алган;
- 1996–2001-жылдары Кыргыз мамлекеттик улуттук университетинде «Мамлекеттик жана муниципалдык башкаруу» адистиги боюнча диплом алган.
Кесиптик карьерасы:
- 2004-2008-жылдары «Кыргыз темир жолу» мамлекеттик ишканасында кабыл алуучу болуп иштеген;
- 2008-2009-жылдары Кара-Бургон айылдык кеңешинин депутаты болгон;
- 2009–2010-жылдары Кара-Бургон айыл өкмөтүндө социалдык кызматкер болуп иштеген;
- 2010-2011-жылдары Кара-Бургон айыл өкмөтүнүн башчысынын милдетин аткарган;
- 2011–2012-жылдары айыл өкмөтүндө социалдык маселелер боюнча адис болуп иштеген;
- 2013-2021-жылдары Кара-Бургон айыл өкмөтүн жетектеген;
- 2021-2023-жылдары «Манас» эл аралык аэропортунда инспектор болуп иштеген;
- 2025-жылдан тартып Кара-Бургон айыл өкмөтүндө айыл чарба, мал чарба жана ветеринария маселелери боюнча адис болот.
