Керимкул Акжолтоевич Сайиндиев 1961-жылдын 25-майында Ысык-Ата районундагы Жээк айылында төрөлгөн. 1993-жылы К.И. Скрябин атындагы Агротехникалык институттун зоотехния факультетин аяктагандан кийин, 1996-жылы Фрунзе финансылык техникумунда бухгалтер кесибин алып чыккан.
Сайиндиев профессионалдык карьерасын 1982-жылы Калинин ветеринардык участогунда фельдшер болуп иштөөдөн баштаган. 1986-1996-жылдар аралыгында «Калинин» колхозунда ветеринардык техник болуп иштеген, андан кийин 1996-2001-жылдарда Калинин ветеринардык участогун башкарган. 2001-2003-жылдар аралыгында ОсОО «ВетИнтерсервис» ветеринардык доктур болуп иштесе, 2003-2005-жылдарда «Кант аэропорту» ветеринардык көзөмөл пунктун жетектеген.
Керимкул Сайиндиев 2005-жылы Жээк айыл өкмөтүнүн башчысы болуп шайланган жана 2009-жылга чейин ушул кызматта иштеген. Андан кийин 2010-2011-жылдарда Жээк жана Гагарин айылдарын башкарган, 2013-2015-жылдарда кайрадан Жээк айыл өкмөтүнүн башчысы болуп иштеген. Ал 2-класстагы муниципалдык кызматтын кеңешчиси статусуна ээ болчу.
Сайиндиевдин артында уулу, эки кызы жана жети небереси калды.
