Окуя 5-январда Каинды шаарында, таңкы саат алтыда «Нур» дүкөнүнүн жанында 53 жаштагы жергиликтүү тургунга белгисиз адам кол салганда болгон. Кол салуу учурунда жабырлануучу сабалып, курч буюмдан жаракат алган.
Бул окуя Кыргыз Республикасынын Кылмыш-жаза кодексинин 280-беренесине ылайык хулигандык катары катталган.
Укук коргоо органдары шектүүнү кармашты, ал 1998-жылы төрөлгөн Э.Ш. болуп чыкты. Сот аны эки айга камакка алуу тууралуу чечим чыгарды.
Алдын ала маалыматтар боюнча, кол салуу алкогольдук мас абалда жасалган.
Учурда тергөө улантылууда.
