Кыргызстандын вице-премьер-министри Эдиль Байсалов Япониянын өлкөдөгү жаңы элчиси Хирано Рюитиге дипломатиялык кызматка дайындалышы менен байланыштуу жолугушуу өткөрдү. Бул тууралуу КР өкмөтүнүн маалымат кызматынан билдиришти.
Эдиль Байсалов Хирано Рюитини кызматка киришүүсү менен куттуктап, Кыргызстан менен Япониянын ортосундагы мамилелердин динамикалык өнүгүшүнө көңүл бурду. Ошондой эле ал «Ортолук Азия + Япония» Диалогу алкагында мамлекет башчыларынын Биринчи саммитинин ийгиликтүү өткөрүлүшүн белгиледи.
Жолугушууда активдүү саясий диалогдун мааниси жана Япониянын Кыргызстандагы социалдык-экономикалык жана инфраструктуралык прогрессте, анын ичинде Япон агенттиги JICA тарабынан ишке ашырылып жаткан долбоорлордо ролу талкууланды. Тараптар ошондой эле инвестициялар, салык салуу, ошондой эле маданий жана туристтик байланыштар сыяктуу тармактарда эки тараптуу кызматташтыкты кеңейтүү мүмкүнчүлүктөрүн карашты.
Жолугушуунун аягында эки өлкөнүн ортосундагы өнөктөштүктү тереңдетүүгө өз ара даярдык билдирилди.
