Экономика жана соода министри Бакыт Сыдыков бул мыйзам долбоорунун максаты республикалык жана жергиликтүү бюджеттердин каражаттарын мамлекеттик сатып алууларды жүргүзүү процессинде натыйжалуу жана рационалдуу пайдаланууну жогорулатуу экенин билдирди. Жаңы мыйзам долбоору мамлекеттик сатып алууларга байланыштуу процедураларды оптимизациялоого жана жөнөкөйлөтүүгө багытталган.
Мыйзам долбоорунун негизги аспекттеринин бири мамлекеттик сатып алуулар боюнча мамлекеттик тапшырма түшүнүгүн киргизүү болуп саналат, бул мамлекеттин маанилүү жана стратегиялык маселелерин натыйжалуу чечүүгө мүмкүндүк берет. Мамлекеттик тапшырманы ишке ашыруу мамлекеттик заказчы менен аткаруучу арасында жарандык-укуктук келишим түзүү аркылуу жүргүзүлөт.
