Долбоорду Министрлик иштеп чыккан, талкуу 2026-жылдын 7-февралына чейин уланат.
Долбоордун алкагында мамлекеттик менчик объектилеринин рыноктук баасын аныктоо процедурасына инвестициялык келишимдерге ылайык инвесторлорго өткөрүлүп берилген объектилер боюнча тактоолорду киргизүү сунушталууда.
Сунушталган өзгөртүүлөргө ылайык:
- мындай объектилердин рыноктук баасы инвестициялык келишимдин шарттарын, анын ичинде инвесторго өткөрүлүүчү укуктарды жана тараптардын милдеттенмелерин, ошондой эле башка шарттарды эске алуу менен аныкталат;
- мамлекеттик менчиктин ээсинин объекттин баасы, инвестициялык долбоордун баасы жана башка көрсөткүчтөр боюнча сунуштарын жардамчы маалымат катары пайдалануу мүмкүнчүлүгү каралат;
- инвестициялык келишимдин шарттарын эске алуу белгилүү бир бааны инвестициялык, атайын же башка рыноктук эмес баага киргизүүгө алып келбейт деп такталат;
- ошондой эле, баалоочу инвестициялык келишимдер боюнча өткөрүлүп берилген мүлктү баалоодо келишимдин шарттарынын экономикалык таасирин (өтүп берилген укуктарды жана тараптардын милдеттенмелерин камтып) эске алууну сунуштоо пландалууда.
Мындан тышкары, инвестициялык келишимди ишке ашыруу үчүн зарыл болгон баалоо отчетунун мазмунуна талаптарга, отчетто инвесторго өткөрүлүүчү укуктарды, тараптардын милдеттенмелерин жана инвестор менен байланышкан чыгымдардын эсептөөлөрүн камтышы керектиги кошулушу пландалууда:
- инвесторго өткөрүлүүчү укуктардын курамы жана көлөмү;
- тараптардын милдеттенмелеринин курамы жана көлөмү;
- инвестор менен байланышкан чыгымдардын эсептөөлөрү.
