Өзүнүн сөзүндө Касымалиев «Смарт бажы» санариптик платформасын киргизүү бул жыйынтыктарга жетишүүдө маанилүү роль ойногонун белгиледи. «Эгер бажы системасынын санариптештирилиши ишке ашпаганда, биз олуттуу көйгөйлөргө туш болушубуз мүмкүн эле», — деп белгиледи ал.
Өкмөт башчысы ошондой эле республикалык бюджеттин 25% дан ашыгы бажы төлөмдөрү аркылуу калыптанарын, ал эми бажы кызматкерлеринин ар бирине жүктөмдүн кыйла көбөйгөнүн айтты. 2021-жылы 113 миң декларация иштелип чыккан, ал эми 2025-жылга чейин бул көрсөткүч 873 миңге жеткен, бул автоматташтыруу жана процесстерди санариптештирүү, ошондой эле адам факторунун азайышынын натыйжасында мүмкүн болду. Мындан тышкары, укук коргоо структураларында аналитикалык ыкмаларды киргизүү бажы мыйзамдарын бузууну так аныктоого мүмкүнчүлүк берди.
Жыйналыштын аягында Адылбек Касымалиев Мамлекеттик бажы кызматына бир катар көрсөтмөлөрдү берди, анын ичинде 2026-жылы бажы төлөмдөрү боюнча 142,6 миллиард сомго жетүү боюнча болжолдуу көрсөткүчтөрдү камсыз кылуу жана 2026-2030-жылдарга Кыргыз Республикасынын бажы кызматынын өнүктүрүү концепциясын ишке ашыруу боюнча иш-чаралар планына киргизилген тапшырмаларды аткаруу зарылдыгын белгиледи.
