Бул мыйзам долбоорунун демилгечиси Министрлер кабинетинин төрагасы болду. Анын тууралуу маалыматты Кыргыз Республикасынын Жогорку Кенешинин эл аралык иштер, коргоо, коопсуздук жана миграция боюнча комитетинин төрагасы Эльдар Сулайманов сунуштады.
Проекттин максаты Ош, Чүй жана Ысык-Көл облустарында жайгашкан 126 айылдык пунктта коопсуз суу жана санитарияга жетүүнү жакшыртуу болуп саналат. Программанын жалпы каржылоо суммасы 200 миллион долларды түзөт, анын 20 миллиону ОПЕКтин эл аралык өнүктүрүү фонду тарабынан бөлүнөт.
Кредиттин шарттары төмөнкүчө:
- мөөнөт — 20 жыл;
- жеңилдик мезгили — 5 жыл;
- пайыздык ставка — жылына 1,25%.
