Министрлер кабинетинин төрагасы аталган мыйзам долбоорунун демилгечиси болду. Экономика жана соода министринин орун басары Султан Ахматов сунушталган өзгөртүүлөр тууралуу маалымат берди.
Киргизилген өзгөртүүлөр мыйзамды колдонуу практикасынын жүрүшүндө аныкталган кемчиликтерди жоюу, ошондой эле Биримдик келишиминде колдонулган терминдерди тактоо максатын көздөйт. Мындан тышкары, Евразия экономикалык комиссиясын Евразия экономикалык биримдигинин ички рыноктогу тоскоолдуктарды квалификациялоо үчүн методологияны бекитүү жана тоскоолдуктар менен чектөөлөрдү жоюлган деп таануу боюнча ыйгарым укуктар менен камсыз кылууну сунуштайт.
