Берилген маалыматтарга ылайык, мыйзам долбоору Кылмыш кодексине, Кылмыш-процессуалдык кодекске жана Жоруктар кодексине өзгөртүүлөрдү камтыйт. Ал санариптик далилдердин аныктамасын киргизип, аларды жыйноо, каттоо, сактоо жана кылмыш жана административдик процесстерде колдонуу тартибин белгилейт.
Документте жарандардын укуктарын коргоого өзгөчө көңүл бурулат. Өзгөчө, санариптик маалыматтар менен иштөөдө кат жазышуу, жеке маалыматтар жана жеке жашоо сыяктуу сырларды сактоо боюнча кошумча процессуалдык кепилдиктер сунушталат, ошондой эле соттук көзөмөл механизмдери каралган.
Мындан тышкары, мыйзам долбоору эски терминологияны алмаштырып, Кыргыз Республикасынын Санариптик кодексине ылайык келтирет. Ошондой эле, кылмыштуу аракеттердин объекти болуп бараткан виртуалдык активдер менен иштөө үчүн юридикалык механизмдер каралган.
Минюсттун өкүлдөрү бул мыйзам долбоорунун кабыл алынышы кибер кылмыштуулукка каршы күрөшүү үчүн заманбап юридикалык негизди түзүп, санариптик маалыматтар менен иштөө боюнча так эрежелерди орнотууга жана укук колдонуу практикасында бирдиктүүлүктү камсыз кылууга мүмкүндүк берерин белгилешти.
