Бишкекте Кыргызстан жана Тажикстан ортосундагы Межправительстволук кеңештин биринчи жыйыны өтөт
Манас эл аралык аэропортунда Кохир Расулзоданы өкмөт башчынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев тосуп алды. Бул тууралуу өкмөттүн маалымат кызматынан билдиришти.
Тажикстандын премьер-министри өзүнүн визити учурунда Бишкекте өтө турган Кыргызстан жана Тажикстан ортосундагы Межправительстволук кеңештин биринчи жыйынына катышат.
Жыйналыштын аяктоосунда бир нече эки тараптуу келишимдерге кол коюу пландалууда. Мындан тышкары, эки өлкөнүн өкмөт башчылары борбордун инфраструктуралык объектилерин зыярат кылышат.
Сүрөт өкмөттүн маалымат кызматынан
