Маалыматка ылайык, «Ак-Талаа жаштары» коомдук бирикмеси 2012-жылы негизделген. Уюмдун негизги максаты — региондогу жаштарды бириктирүү, биримдикти өнүктүрүү, коомдук жашоого активдүү катышуу, ошондой эле маданий жана спорттук иш-чараларды уюштуруу. Мындан тышкары, уюм донордук фонддор менен кызматташып, ар кандай долбоорлорду ишке ашырат.
Бекжан Сагынбековго чейин бул кызматты Кара-Бүргөн айылынан келген активист Руслан Кудайбергенов ээлеген.
Төрага шайлоосу жаштар арасында добуш берүү аркылуу беш жылда бир жолу өткөрүлөт.
Резюме:
Бекжан Сагынбекович Сагынбеков 1992-жылдын 5-июлунда Баетов айылында, Ак-Талаа районунда, Нарын облусунда жарыкка келген.
Билими:
1999-2010-жылдары — Шүкүрбек Бейшеналиев атындагы орто мектептин бүтүрүүчүсү;
2011-2017-жылдары — Ишеналы Арабаев атындагы Кыргыз мамлекеттик университетинин экономика жана башкаруу факультетинин студенти.
Эмгек ишмердүүлүгү:
2018-2021-жылдары — Тоголок Молдо айыл өкмөтүнүн финансылык-экономикалык бөлүмүнүн жетекчиси;
2021-2022-жылдары — Ак-Талаа райондук статистика башкармалыгында калкты жана турак жай фондун эсепке алуу бөлүмүнүн башкы адиси;
2023-2024-жылдары — «Ак-Талаа — Турук» мамлекеттик көмүр ишканасында бухгалтер;
2025-2026-жылдары — Ак-Талаа райондук пробация органында жетекчи адис;
2026-жылдын 16-февралынан тартып — райондук Улуттук статистика комитетинде айыл чарба каттоосунун координатору.
2024-жылдан бери аталган коомдук уюмдун ишине активдүү катышып келет.
