Соревнования 10-январда өтүп, райондук билим берүү кызматкерлерин, анын ичинде орто мектеп мугалимдерин жана бала бакча тарбиячыларын бириктирди. Турнир Кыргызстандын эмгек сиңирген мугалими жана элдик билим берүүнүн мыктысы Акин Токтосунованын эскерүүсүнө арналды. Бул иш-чара педагогикалык коомчулукту бириктирүү максатында өткөрүлүп, үч жылдан бери анын балдары жана неберелери тарабынан уюштурулууда. Тандоо оюндары айылдык аймактарда өтүп, финал Баетовдо болуп, 12 команда катышты.
Турнирдин жыйынтыктары:
Аялдар командалары:
Биринчи орунду Тоголок Молдо айылындагы Жоробек Сатылганов атындагы орто мектептин командасы жеңип алып, кубок, медалдар жана акчалай сыйлык алды;
Экинчи орунду Баетов айылындагы Шүкүрбек Бейшеналиев атындагы орто мектептин командасы ээлеп, медалдар жана акчалай сыйлык менен сыйланды;
Үчүнчү орунду Коңорчок айылындагы Насипа Жыргалбекова атындагы орто мектептин командасы жеңип алып, алар да медалдар жана акчалай сыйлыктар менен сыйланды.
Эркектер командалары:
Биринчи орунду Жаңы-Талап айылындагы Байымбет атындагы орто мектептин командасы жеңип алып, кубок, медалдар жана акчалай сыйлык алды;
Экинчи орунду Кара-Бүргөн айылындагы Мукаш Базаркулов атындагы орто мектептин командасы ээлеп, медалдар жана акчалай сыйлык менен сыйланды;
Үчүнчү орунду Баетов айылындагы Эсенгул Карасартов атындагы орто мектептин командасы жеңип алып, алар да медалдар жана акчалай сыйлык менен сыйланды.
Мындан тышкары, мыкты жана эң улуу оюнчулар баалуу белектер жана акчалай сыйлыктар алышты. Э. Карасартов жана Ш. Бейшеналиев атындагы орто мектептердин директорлору турнири уюштуруп өткөргөндүгү үчүн белектер менен сыйланды.
