Бул тууралуу айыл тургуну Назар Муратбек уулу билдирди.
Анын айтымында, мелдеш 15-16-ноябрда Эшперов айылында өттү. Ага Ысык-Көл облусунан келген эркектер командасы (35+) жана республика боюнча аялдар командалары катышты.
«Болот Жанузакович жаш кезинен айыл, район жана облустун курама командаларында ойноп, чоң жетишкендиктерге жетишкен. Кийинчерээк «Бүркүт» волейбол клубунун негиздөөчүлөрүнүн бири болуп, команданы машыктырып, Кыргызстандын жогорку лигасына чыгарды. Анын 60 жылдык юбилейине достору, теңдештери, окуучулары, туугандары жана «Тоң-Арашан асыл тукум» коомунун өкүлдөрү келип, юбилярды куттуктап, баалуу белектерди беришип, 4 ат тартуулашты.
Спорттук ишмердүүлүктөн тышкары Б.Кудайбергенов ишкерлик жана арашан койлорун багуу менен алектенет, Тон районунда бул багыттын өнүгүшүнө салым кошууда», - деди Н.Муратбек уулу.
Мелдештин жыйынтыктары:
Эркектер арасында:
1-орун — Эшперов командасы (30 000 сом)
2-орун — Калкагар командасы (20 000 сом)
3-орун — Төрт-Күл командасы (10 000 сом)
4-орун — Оттук командасы (5 000 сом)
Аялдар арасында:
1-орун — Чуй командасы (50 000 сом)
2-орун — «Ais Бишкек» (30 000 сом)
3-орун — «312 Бишкек» командасы (20 000 сом)
4-орун — Оттук командасы (10 000 сом).
Ошондой эле кубоктор жана медалдар берилди.
