Иш-чаранын алкагында жергиликтүү бийлик өкүлдөрү райондук мамлекеттик администрациянын атынан сыйлыктарды жана айыл чарба тармагында активдүүлүк көрсөтүп, жергиликтүү коомдорду өнүктүрүүгө көмөк көрсөткөндөргө акчалай жана баалуу сыйлыктарды тапшырды.
«Алтын күз» майрамына карата айыл чарба жана мал чарба продукциялары көрсөтүлгөн көргөзмөлөр, ошондой эле мал чарбасында сапаттуу мамилени жайылтууга багытталган асыл тукум малдарды көрсөтүү өткөрүлдү.
«Алтын күз» көргөзмөсүнүн жыйынтыгы боюнча, үчүнчү орунду Улахол жана Ак-Терек айыл өкмөттөрү алып, ар бири 5 000 сом алды; экинчи орун Күн-Чыгыш айыл өкмөтүнө 8 000 сом сыйлык менен берилди; биринчи орунду Б.Мамбетова атындагы айыл өкмөтү алып, 10 000 сом сыйлыкка ээ болду.
«Алтын күз» жыйым-терим майрамы райондук маданият үйүнүн артисттеринин концерти менен жыйынтыкталды.
