Соревнование ачылган учурда, Арашан айыл өкмөтүнүн башчысы Самат Болгонбаев катышуучулар арасында адилеттүү жана бирдиктүү оюнга үмүт артарын билдирди. Айылдын аксакалдары өз баталарын беришти, ал эми жергиликтүү депутаттар мелдештин рухун колдогон сөздөрдү сүйлөштү. Турнирге 30дан ашык команда катышты.
Бул спорттук иш-чаранын жыйынтыгы боюнча, 1993-жылы туулган жигиттер командасы үчүнчү орунду, 1991-жылы туулган команда экинчи орунду, ал эми 2006-жылы туулган жигиттер командасы жеңүүчүлөр болуп, айыл өкмөтүнүн Кубогун алышты. Жеңүүчүлөргө кубок, медалдар жана акчалай сыйлыктар берилди», - деп белгиленет билдирүүдө.
