Бул мыйзам долбоорунун негизги максаты калктын жана жаныбарлардын ден соолугун жакшыртуу, ошондой эле өлкөнүн экологиялык туруктуулугун колдоо болуп саналат.
Каржылоого байланыштуу келишимге ылайык, «Бирдиктүү ден соолук» программасынын алкагында Кыргыз Республикасы үчүн «Фаза 1» долбоорун ишке ашыруу үчүн 30 миллион доллар өлчөмүндө кредиттик каражат жана 1,79 миллион доллар өлчөмүндө гранттык каражат каралган.
Кредит 50 жылдык мөөнөт менен 10 жылдык жеңилдик мезгили жана нөл пайыздык ставканы менен берилет.
