Министрликтин маалыматына ылайык, өлкөдө негизги азык-түлүк товарларынын жетишсиздиги жок жана учурда азык-түлүк запастары жетиштүү. Ярмаркалар ички рынокту туруктуу камсыздоо жана калк үчүн жеткиликтүү баада сапаттуу азыктарды сунуштоо максатында уюштурулууда.
Ар бир жекшемби Бишкекте шаардык мэрия менен кызматташтыкта ярмаркалар өтүп, анда тургундар азык-түлүк товарларын базар баасынан төмөн баада сатып ала алышат.
Министрлик ярмаркалардын негизги милдети — баалардын өсүшүн токтотуу, социалдык жактан уязвимдүү топтор үчүн азык-түлүктүн жеткиликтүүлүгүн камсыздоо, жергиликтүү өндүрүүчүлөрдү колдоо жана ички рынокту стабилдештирүү экенин белгиледи.
Бишкектеги ярмаркалардын өткөрүлүүчү жерлери:
• Т. Усубалиев атындагы аянт;
• И. Раззаков жана Абдымомунов көчөлөрүнүн кесилишиндеги аймак;
• Эркиндик бульвары (Биринчи май район).
