Жаңы жылдык майрамдарга даярдык көрүү алкагында Кыргызстанда 27-декабрдан 31-декабрга чейин айыл чарба ярмаркалары өтөт, деп билдирет КРнын айыл чарба министрлиги. Бул ярмаркалар ички рынокту туруктуу камсыздоо жана калкка сапаттуу азыктарды жеткиликтүү баада берүү максатын көздөйт.
Бишкекте мындай иш-чаралар ар жума сайын, шаардык мэрия жана суу ресурстары, айыл чарба жана кайра иштетүү өнөр жайы министрлиги менен биргеликте өткөрүлөт.
Ярмаркаларда борбордун тургундары азык-түлүк товарларын базар баасынан кыйла төмөн баада сатып ала алышат. Бул иш-чаралардын негизги максаты баалардын өсүшүн токтотуу, социалдык жактан уязвимдүү топтор үчүн азыктарды жеткиликтүү кылуу жана жергиликтүү өндүрүүчүлөрдү колдоо болуп саналат.
Ярмаркалар төмөнкү жайларда өтөт: Т. Усубалиев атындагы аянт, И. Раззаков жана Абдымомунов көчөлөрүнүн кесилишиндеги аймак, ошондой эле Первомай районундагы Эркиндик бульвары.
Катышуучуларга коюлган белгилүү талаптар бар: продукция санитардык-гигиеналык стандарттарга жооп бериши керек жана базар баасынан төмөн баада болушу шарт; райондук агрардык башкармалыктан кат болушу милдеттүү.
Мындан тышкары, ведомстводо ярмаркалар Бишкек жана өлкөнүн башка региондорунда 2026-жылдын июнь айына чейин уюштурула тургандыгын эскертишти.
Кошумча маалымат алуу үчүн төмөнкү телефон номерлерине кайрылсаңыз болот: (0312) 66-14-22, 0702 70 20 00.
