Бул мыйзам долбоорунун демилгечиси өкмөт башчысы болуп саналат.
Талкууланган өзгөртүүлөрдүн негизги максаты — карыз алуучулардын кредиттик маалыматтарын сактоо мөөнөтүн кыскартуу, бул кредиттерге жетүүнү жеңилдетүүгө, банк секторуна жүктөмдү азайтууга жана кичи жана орто бизнесин өнүктүрүүгө көмөктөшөт.
Бул мыйзам долбоорун иштеп чыгуу кредиттик маалыматтар боюнча мыйзамдарды жакшыртууга багытталган.
Депутаттардан келген сунуштарды эске алуу менен, мыйзам долбоорунда терс кредиттик тарыхтын жалпы сактоо мөөнөтүн беш жылдан эки жылга, ал эми оң кредиттик тарыхтын мөөнөтүн жети жылдан беш жылга кыскартуу сунушталууда.
