Ал Facebook баракчасында бул региондогу чыңалуунун өсүшү жана бул достук араб өлкөлөрүнө тийгизе турган кесепеттеринен абдан тынчсызданып жатканын белгиледи.
"Орозо айында, руханий тазалануу, кечирим берүү, өз ара түшүнүшүү жана кайрымдуулук мезгилинде конфликттин курчуп жатканы өтө өкүндүрөт."Президент "Кыргыз Республикасы, БУУнун Уставына жана эл аралык нормаларга таянып, дүйнөлүк коомчулуктун күч-аракеттерин конфликтти тынчтык жолу менен чечүүгө колдоо көрсөтөт" деп баса белгиледи.
Биз бул региондогу элдер менен бирге тынчтык жарандардын арасында көптөгөн курмандыктар болгондуктан, алардын кайгысы менен бөлүшөбүз жана мындай трагедияларга алып келген аракеттерди айыптайбыз.
Ал өз кайрылуусунда бардык тараптарды сабырдуулукка жана дароо ок атышууну токтотууга, ошондой эле кырдаалды тынчтык жолу менен чечүү үчүн конструктивдүү диалогду калыбына келтирүүгө көмөктөшүүчү чараларды кабыл алууга чакырды.
***
28-февралда таң эрте Израиль жана АКШ Иранга сокку урду. Дональд Трамп Ислам Республикасының ядролук программасын жок кылуу пландары тууралуу жарыялады.Жооп катары Иран Жакын Чыгышта, анын ичинде Бахрейн, Катар, Кувейт, Абу-Даби, Дубай жана Эр-Рияддагы израильдик жана америкалык объекттерге сокку урду.
Израиль менен АКШнын биргелешкен операциясынын натыйжасында Ирандын жогорку лидери аятолла Али Хаменеи өлтүрүлдү, ал эми кийин жаракаттарынан анын жубайы Мансуре Ходжасте да каза болду.
Трамп Ирандагы аскердик аракеттер болжол менен төрт жумага созулаарын билдирди. Иран болсо АКШ жана Израилге каршы жихад жарыялап, эч кандай сүйлөшүүлөр болбой турганын белгиледи.
Жакын Чыгыштагы кырдаал дүйнөнүн бардык өлкөлөрүнө, анын ичинде Кыргызстанга да таасир этүүдө. Конфликттин кесепетинен БАЭде миңдеген туристтер кыйынчылыкка кабылды. Чет өлкөдөгү кыргызстандыктар үчүн элчиликтердин жана консулдуктардын байланыш маалыматтарын бул жерден таба аласыз.
