15-мартта Кыргызстанга Гананын тышкы иштер министри Сэмюэл Окудзето Аблаква келип, учурда Жээнбек Кулубаев менен, Кыргызстандын тышкы саясат ведомствосунун башчысы менен сүйлөшүүлөрдү жүргүзүүдө.
Жээнбек Кулубаев ганалык делегацияны жылуу кабыл алып, бул визиттин эки тараптуу мамилелердеги жаңы этапты символдоштуруп жатканын белгиледи.
«Сиздин визитиңизди кыргыз-гана байланыштарын күчөтүүгө болгон өз ара кызыгуунун маанилүү сигнали катары кабыл алабыз. Бул диалог жана практикалык кызматташтык үчүн негиз болот деп ишенебиз. Биздин мамлекеттердин ортосундагы аралыкка карабастан, Гананы биз жаңы дипломатиялык өнөктөш гана эмес, ошондой эле суверенитетти коргоо, климаттын өзгөрүшү шартында туруктуу өнүгүү жана көп тараптуу дипломатияны бөлүшкөн дос катары көрөбүз», - деди Кулубаев.
Сэмюэл Окудзето Аблаква, өз кезегинде, Кыргызстан Гананын Борбордук Азиядагы маанилүү ордун ээлеп жатканын белгиледи. Ал ошондой эле жаңы президент Садыр Жапаровдун келиши менен өлкөдө туруктуулук байкалууда деп кошумчалады.
«Биз сиздин Кумтор кенин билебиз. Ганада да дүйнөдөгү эң ири алтын кендеринин бири жайгашкан, ал топ-5ке кирет. Бул алтын казуу тармагында кызматташуу үчүн жакшы мүмкүнчүлүктөрдү түзөт», - деди Аблаква.Визиттин алкагында эки тараптуу кызматташтыкты улантуу мүмкүнчүлүктөрү талкууланат жана бир катар маанилүү документтерге кол коюу пландалууда.
Сэмюэл Окудзето Аблакванын визити 17-мартта аяктай турганын белгилеп өтүү керек.
