Байсалов Кыргызстандын секулярдык, көп улуттуу жана көп конфессиялуу коом экенин, исламдык маданий мурас плюрализм жана дин эркиндиги принциптери менен гармониялуу жашап жатканын айтты. Ал ошондой эле, өлкө көз карандысыздыкка ээ болгондон кийин диний жашоонун кайра жанданганын, мамлекет бул процессти коомдук биримдикти бекемдөө үчүн активдүү колдоп жатканын белгиледи.
Мындан тышкары, ал Таяккы Чыгыштагы курч маселелерди да козгоду. Орун басардын айтымында, Кыргызстандын президенти Садыр Жапаров бул региондогу, айрыкча мусулмандар үчүн ыйык Рамазан айында, күчөп жаткан чыңалууга байланыштуу олуттуу тынчсыздануусун билдирди.
Маалыматта: "Кыргыз Республикасы бардык тараптарды сабырдуулукка, куралдуу аракеттерди токтотууга жана БУУнун Уставына жана эл аралык укукка ылайык конструктивдүү диалогду калыбына келтирүүгө чакырат" деп айтылат.
