Бул жыйын 2026-жылдын 13-мартында өттү.
Экономика министрлигиндеги ЕАЭБ координация башкармалыгынын начальниги Элимбек Каныбек уулу Кыргыз Республикасы боюнча негизги чечимдер тууралуу маалымдады.
Кеңешүүдө талкууланган негизги темалар белгилүү товарлардын коопсуздугу боюнча техникалык регламенттер жана кондитердик буюмдардын маркировкасы болду.
Башкармалыктын жетекчисинин айтымында, бүгүнкү күндө ЕАЭБдин алкагында бардык беш мамлекетте маркировка киргизүү боюнча милдеттүү талап жок. Мисалы, эгерде бир мамлекет белгилүү товар үчүн маркировка киргизүүнү чечсе, ал жөн гана ЕЭКка маалымдап, тиешелүү сунушту берет.
«Россия кондитердик буюмдардын маркировкасы боюнча чечим кабыл алды. Бул техникалык регламент Кыргызстанга Россияга экспорттолгон товарларды өз алдынча маркировкалоо мүмкүнчүлүгүн берет. Эгер мындай механизм болбосо, бизнес Россияда маркировка үчүн кошумча чыгымдарды көтөрүүгө мажбур болор эле», - деп кошумчалады Элимбек Каныбек уулу.
