Министрлер кабинети 10 гектарды айыл чарба категориясынан турак жай пункттары категориясына өткөрдү
Аламедин районунда, Байтик Баатыр айылдык аймагында, 10 гектар жер тилкесинде көп кабаттуу турак жай имараттары курулат. Бул чечим Кыргызстандын өкмөтү тарабынан кабыл алынды.
Бекитилген токтомго ылайык, аталган жерлер айыл чарба категориясынан турак жай пункттары категориясына өткөрүлгөн.
Бул жерлер мурдагы Жогорку Кеңештин депутаты Карганбек Самаковдун жеке менчигинде. Участкалар № 202 жана № 411 контурларында, 4,37 га жана 5,63 га аянтта жайгашкан.
Эскерте кетсек, 2015-жылдын майында Башкы прокуратура Карганбек Самаковго жана башка фигуранттарга коррупция боюнча кылмыш ишин козгогон. Алар Кара-Жыгач, Байтик жана Лебединов айылдык округдарында жайгашкан жалпы аянты 262 гектар болгон жер тилкелерин мыйзамсыз кайра бөлүштүрүүдө айыпталган.
сүрөт www
