Мамлекеттик кызматкерлердин маалымдуулугун жогорулатуу максатында борбор бир катар алдын алуу иш-чараларын уюштурду.
Борбордун директору Умуткан Чокморова лекция өткөрүп, ВИЧ жана гепатиттердин вирусун жугузуунун жолдору, ошондой эле заманбап алдын алуу ыкмалары жана медициналык текшерүүлөрдүн маанилүүлүгү тууралуу кенен айтып берди. Ал гепатит Bге каршы вакцинациялоонун зарылдыгына, ооругандардын санынын өсүп жатканына көңүл бурду.
Иш-чаралардын эки күнүнүн жыйынтыгы боюнча төмөнкү натыйжаларга жетишилди:
- 106 кызматкер ВИЧ жана гепатит B жана C боюнча тесттен өттү;
- 65 кызматкер гепатит Bге каршы биринчи дозаны алды;
- 32 кызматкер электрокардиограммадан өттү;
- 31 кызматкер ультразвуктук текшерүүдөн өттү.
