Зыярат учурунда оорукананын директору Атабек Жумалиев жүргүзүлгөн капиталдык ремонт тууралуу айтып берди, ошондой эле аймактын тургундарына медициналык кызмат көрсөтүүнүн шарттарын жакшыртуу үчүн кабыл алынган чараларды белгиледи.
Жумалиев компьютердик томографтын штаттык режимде иштеп жатканын, бирок ангиографикалык аппараттын бөлүктөрүнүн эскирүүсүнө байланыштуу оңдоону талап кыларын белгиледи. Саламаттык сактоо министрлиги бул иштер үчүн 13,5 миллион сом бөлгөн, тендер өткөрүлгөн жана подрядчик тандалып алынган. Жаңы жабдуулар айдын аягына чейин пайдаланууга берилет деп күтүлүүдө.
Мындан тышкары, Досмамбетов перинаталдык борбордун курулуш процессин карап чыгып, курулуш иштеринин сапаты жана мөөнөттөрүн көзөмөлдөөнү тапшырды.
ОМОКБнын жетекчилиги ошондой эле ГП «Кыргызфармация» аркылуу дары-дармек менен камсыздоо жана медициналык жабдуулардын техникалык тейлөөсү боюнча бир нече көйгөйлүү маселелерди көтөрдү. Министрдин милдетин аткаруучу бул маселелерди чечүүдө Саламаттык сактоо министрлиги керектүү колдоону көрсөтөөрүн убада берди.
Зыяраттын соңунда Досмамбетов Ош облустар аралык бириккен клиникалык оорукананы андан ары өнүктүрүүгө багытталган бир катар тапшырмаларды берди.
