Оорукананын директору Атабек Жумалиев аймактын тургундарына медициналык жардам көрсөтүү шарттарын жакшыртуу үчүн жүргүзүлүп жаткан капиталдык ремонт иштерин айтып берди.
Визитинин жүрүшүндө Каныбек Досмамбетов кардиология жана рентгенэндоваскулярдык хирургия бөлүмдөрүн да зыярат кылып, жабдуулардын абалы менен таанышты. Оорукананын жетекчилиги тарабынан берилген маалыматка ылайык, компьютердик томограф толук көлөмдө иштеп жатат, бирок ангиографикалык аппарат комплекттердин эскирүүсүнө байланыштуу алмаштырууну талап кылат.
