Сербиянын президенти окуяны террордук акт катары баалады
Белградда 70 жаштагы эркек киши Сербиянын президенти Александр Вучичтин тарапкерлеринин палаткаларын атып, өрттөп жиберди, деп билдирет жергиликтүү басма сөз.
Окуя парламенттин алдындагы аянтта болду. Өрт тууралуу маалыматтардан кийин, окуя болгон жерге полиция кызматкерлери, өрт өчүрүүчүлөр жана Белграддын Жогорку прокуратурасынын прокурору келишти. Аймак кордонго алынып, от ийгиликтүү өчүрүлдү.
Полиция 70 жаштагы атуучуну кармады, ал бир адамды бутунан жаракаттады. Жаракат алган адам медициналык мекемеге жеткирилди, анын абалы туруктуу жана өмүрүнө коркунуч жок.
Сербиянын президенти Александр Вучич парламенттеги куралдуу кол салууну террордук акт катары квалификациялады.
