Текшерүү учурунда уурулар музейдин коопсуздук системасы тууралуу сырдуу маалыматка ээ болгондугу аныкталды, бул аларга кирүүнү пландаштырууга мүмкүнчүлүк берди. The Telegraph гезити билдиргендей, «санариптик далилдер» күзөтчүдүн кылмышка катыштыгын тастыктоодо.
Париздин прокурору Лор Бекко учурда полиция Луврдын кызматкери тарабынан мүмкүн болгон жардам версиясын карап жатканын билдирди. «Биз ар кандай версияларды изилдеп жатабыз. Музей ичиндеги катышуу варианты башка мүмкүнчүлүктөр менен бирге терең талдоого алынып жатат», — деди ал.
Уурулук 19-октябрда, жумуш күнүндө, беткап кийген кылмышкерлер Луврга кирип, Наполеонго жана анын жубайы Жозефинага таандык алтын буюмдарды камтыган императордук коллекциядан тогуз буюмду уурдашканда болду. Уурулуктан келген зыян 88 миллион евро деп бааланууда.
Окуядан бир жума өткөндөн кийин француз маалымат каражаттары уурулукка шектелген төрт адамдын экөөнүн кармалышы тууралуу маалымдашты. Алардын бири Алжирге учууга аракет кылып жатканда Руасси — Шарль-де-Голль аэропортунда кармалса, экинчиси Сена-Сен-Дени аймагында кармалган. Париж прокуратурасы кармалыштар тууралуу маалыматты тастыктады. Лор Бекко ошондой эле полиция кылмышкерлердин кыймылын видеокөзөмөл аркылуу байкап, алардын эки скутер менен качып кеткенин аныктап алганын кошумчалады.
