Президенттин өзүнүн билдирүүсүндө, ал эмне болгонун дароо түшүнбөгөнүн жана кырдаалдын оордугун инциденттин видеосун көргөндөн кийин гана аңдаганын айтты. Тиешелүү органдар алкоголдук мас абалында болгон эркекти кармашты.
Эскерте кетсек, Мексикада мурда Уруапан мэри Карлос Мансо өлтүрүлгөн. Шаардык майрам учурунда белгисиз адамдар анын кортежине ок аткан, натыйжада Мансо ооруканада көз жумган. Бийлик бир кол салуучунун жок кылынганы жана эки башка кол салуучунун кармалганы тууралуу маалымдады.
Карлос Мансо наркокартелдерге каршы активдүү позициясы менен белгилүү болгон жана федералдык бийликтерге коргоо сурап көп жолу кайрылган. Журналисттер анын уюшкан кылмыштуулукка каршы күрөшүү боюнча президенттин саясатын сынга алганын билдиришти.
