Зеленский өз билдирүүсүндө: «Эртең Түркияда жолугушууларды өткөрөбүз. Переговордук процессти активдештирүүгө даярданып жатабыз жана өнөктөштөрүбүзгө сунуштай турган белгилүү чечимдерибиз бар. Биздин негизги максатыбыз — согуштун аякташын тездетүү. Ошондой эле, биз туткундарды кайтаруу жана алмашуу боюнча иштерди улантуудабыз» деп белгиледи.
Reuters агенттиги тарабынан берилген маалыматка ылайык, АКШ президенти Дональд Трамптын өкүлү Стивен Уиткофф да эртең Түркияда Зеленский менен жолугушат.
Учурда Россия сүйлөшүүлөргө катышуу боюнча расмий билдирүүлөрдү берген жок.
15-ноябрдын кечинде Украина улуттук коопсуздук жана коргоо кеңешинин катчысы Рустем Умеров президенттин тапшырмасы менен Түркияда жана БАЭде Россия менен аскер туткундарын алмашууну жаңыртуу боюнча делдалдар аркылуу консультациялар өткөргөнүн билдирди. Ал тараптар Стамбулда жетишилген макулдашууларды активдештирүүгө макулдашканын жана 1 200 украиналык жаранды бошотуу тууралуу сөз болуп жатканын белгиледи. Бирок талкуулардын деталдары белгисиз бойдон калууда.
Россия жана Украина делегацияларынын ортосундагы акыркы сүйлөшүүлөр Стамбулда июлдун аягында өтүп, 2025-жылдын жазында байланыштардын кайра жанданганынан кийин үчүнчү жолугушуу болду.
