Казакстан дрондор менен болгон инциденттерге байланыштуу коңшу мамлекеттер менен байланыш каналдарын түзүүнү баштады. Бул тууралуу коргоо министри Даурен Косанов Сенаттын кулуарларында билдирди, деп жазат Kazinform.
Косанов: «Биз мобилдик абадан коргонуу топторун түзүүнү камтыган алдын алуу чараларын кабыл алдык. Учактар жана жоокерлер согуштук кезекте турат, ошондой эле коңшу мамлекеттер менен оперативдик байланыштар орнотулду», — деди.
Журналисттердин дрондордун келип чыгышы тууралуу суроосуна министр: «Алар аскердик конфликттер болуп жаткан өлкөлөрдөн келип жатат», — деп жооп берди, ошондой эле бул «радиоэлектрондук күрөш системаларынын иши менен байланыштуу» экенин кошумчалады.
Ал ошондой эле мындай инциденттер башка өлкөлөрдө, анын ичинде Польша, Молдова, Венгрия жана Балтика мамлекеттеринде да болуп жатканын белгиледи, анда да дрондор кулап жатат. «Биз бул багытта ишти улантуудабыз», — деп кошумчалады Косанов.
Эскерте кетсек, быйылкы жылдын октябрь айынын аягында Кызылтал айылына жакын белгисиз келип чыккан дрондун жарылуусу болуп, ал согуштук зарядды алып жүргөн. Инциденттин натыйжасында Коргоо министрлиги өлкөнүн аба мейкиндигин көзөмөлдөөнү күчөттү. Мурда Казакстандын батышында да согуштук заряддары жок дрондордун табылышы боюнча учурлар катталган.
