Путин белгилегендей, эки өлкөнүн өкмөттөрү ортосундагы өз ара аракеттенүү бардык маанилүү багыттар боюнча активдүү уланууда. Ал товар жүгүртүүнүн өсүшүн жана регионалдык коопсуздук жаатындагы туруктуу кызматташтыкты белгиледи. «Биз байланыштабыз жана сиздердин чек араларыңыздагы кырдаалды түшүнүп жатабыз. Биздин атайын кызматтар жана күч структуралары жакын байланышта иштешүүдө», – деп кошумчалады орус президенти.
Өз тараптан, Рахмон Тажикстан менен Россиянын ортосундагы мамилелер бекемделип жатканын жана учурда чечилбеген маселелер жок экенин белгиледи. «Биздин эки тараптуу мамилелердин динамикасы оң, товар жүгүртүүсү өткөн жылга салыштырмалуу дээрлик 20 пайызга өстү. Азыркы учурда баары пландагыдай болуп жатат, жана сиздин мамлекеттик визитиңиздин жүрүшүндө биз макулдашууларга жетиштик», - деди тажик президенти.
Ошондой эле Рахмон Санкт-Петербургда 21-декабрда ТМД мамлекеттеринин башчыларынын бейформал саммитинде жолугушууга чакырууну кабыл алганын билдирди.
