Андан кийин алар Бруклинде федералдык тергөө изоляторуна жайгаштырылды. Ак үй Мадуро колу кычкачта, DEA агенттеринин коргоосунда коридордон өтүп бара жаткан видеону жарыялады, ал англисче: "Кечиресиздер. Жаңы жылыңыздар менен" деп айтты.
NBC News маалыматтарына ылайык, 5-январда Мадуро жана Флорес Нью-Йорктогу соттун алдына чыгышы мүмкүн.
Эскертсек, 3-январга караган түнү АКШ Венесуэлада аскердик операция жүргүзүп, президент Николас Мадуро жана анын жубайын кармап, өлкөдөн алып чыккан. АКШнын Юстиция министрлиги аларга "наркотерроризм" максатында келишим түзүү, кокаин алып келүү жана Кошмо Штаттарга каршы колдонуу үчүн курал жана жардыруучу заттарды сактоо боюнча айыптар койгон.
АКШнын президенти Дональд Трамп мурдараак, анын өлкөсү Венесуэладагы бийлик мыйзамдуу өткөрүлмөйүнчө аны контролдой турганын билдирген.
