Украинанын президенти Владимир Зеленский 95 жеке жана 70 юридикалык жакка санкция киргизүү боюнча Улуттук коопсуздук жана коргонуу кеңешинин чечимин ишке ашыруу үчүн буйрукка кол койду. Алардын көбү Россия Федерациясынын жарандар жана резиденттери болуп саналат.
Санкциялар химиялык, металлургиялык жана казып алуу тармактарындагы өнөр жай компанияларына, ошондой эле Россиянын отун-энергетикалык комплексинде иштеген ишканаларга тиешелүү.
Киргизилген чектөөлөрдүн максаты — Россиянын аскердик-өнөр жай комплексинин ишин кыйындатуу жана Украина менен болгон конфликтте колдонулган курал-жарак жана аскердик техника өндүрүү мүмкүнчүлүктөрүн азайтуу, деп билдирилди.
