Алынган маалыматка ылайык, министр Абсаттар Сыргабаев жаңы эрежелерди камтыган буйрукка кол койду.
«Чектөөлөр жаңы жылдык корпоративдерге жана мамлекеттик жетекчилер тарабынан кызматкерлерден белектерди алууга тиешелүү. Анын ордуна кызматкерлер карыялар үйүндө жана балдар мекемелеринде балдар үчүн майрамдарды уюштурууга чакырылат, ал эми чогултулган каражаттар ошолорго белектер сатып алууга жумшалат», — деп айтылат билдирүүдө.
Эскерте кетсек, өкмөт башчысы Адылбек Касымалиев буга чейин мамлекеттик органдардагы жаңы жылдык корпоративдерге байланыштуу ушундай чектөөлөрдү киргизгенин билдирген.
