Кличконун маалыматы боюнча, суу менен камсыздоодо үзгүлтүктөр катталган. Ошондуктан шаардык кызматтар өзгөчө кырдаал шарттарында иш алып барууда.
Ал 9-январда түнкү убакта орус күчтөрүнүн Киевге жасаган аралаш чабуулу борбордун инфраструктурасына «эң кыйратуучу» болгонун белгиледи. Мэр жарандарыбызды, мүмкүнчүлүгү барларга, шаарды убактылуу таштап, жылуулук жана тамак-аштын альтернативдүү булактары бар аймактарга көчүп кетүүгө чакырды.
Украинанын энергетика министрлиги Киевдин сол жээгинде жана аймактын кээ бир бөлүктөрүндө авариялык өчүрүүлөрдү киргизгенин билдирди, ал эми оң жээгинде саат сайын өчүрүү графиктери иштеп жатат. Энергетикалык компания ДТЭК чабуулдун жана тармактардын жүктөлүшүнүн натыйжасында шаар боюнча өзгөчө өчүрүүлөр киргизилгенин кошумчалады. Компаниянын маалыматы боюнча, Деснянский, Днепровский, Дарницкий жана Голосеевский райондорунда 417 миң үй-бүлө электр жарыгынан ажыратылган.
Мындан тышкары, Жогорку Раданын комитетинде да суу жана жылуулук жок экенин депутат Ярослав Железняк билдирди.
9-январь түнүндө орус аскерлери Киевге учкучсуз учактар жана ракета колдонуп чабуул жасашты. Чабуулдун натыйжасында төрт адам каза болуп, 20дан ашык адам жаракат алды. Президент Владимир Зеленский жабыркаган объектилердин арасында Катар элчилигинин имараты да бар экенин белгиледи. Ошол түнү Львовго да чабуул жасалып, Европадагы эң ири газ сактоочу жайлардын бирине сокку урууда «Орешник» ракетасы колдонулган.
