Мамлекеттик телевидениенин билдирүүсүнө ылайык, «Иран өкмөтү АКШ жана сионисттик режимге каршы күрөшүп жаткан шейиттердин урматына үч күндүк аза күтүү жарыялады». Ирандын президенти Масуд Пезешкиан бардык жарандарды улуттук каршылык маршына катышууга жана зомбулукту айыптоого чакырды, ал мятежчилерге өлкөнү бузууга жол бербестигин баса белгиледи. Ал ошондой эле АКШ жана Израилди массалык нааразылык акцияларын уюштурууда айыптады.
Ирандагы нааразылык акциялары 2025-жылдын декабрь айынын аягында башталып, улуттук валютанын кулашы жана баалардын кескин көтөрүлүшү менен байланыштуу. Акциянын катышуучулары учурдагы саясий режимдин алмаштырылышын жана 1979-жылы кулатылган шахтын уулу Реза Пехлевинин бийликке кайтып келишин талап кылышууда. HRANA укук коргоо уюмунун маалыматына ылайык, нааразылык акциялары башталгандан бери каза болгондордун саны 538 адамдан кем эмес, алардын 48и күч түзүмдөрүнүн кызматкерлери. 10,6 миңден ашык адам камакка алынды, интернет үч күндөн ашык убакытка өчүрүлдү.
