Министрликтин басма сөз кызматынын маалыматына ылайык, 6-январга карата Ирандын Тышкы иштер министрлигинин маалыматы боюнча, протесттер учурунда Кыргызстандын жарандарынан жабыркагандар катталган эмес.
Иранда жүргөн кыргызстандыктарга сунушталат:
- өзгөчө көңүл буруп, этият болушу;
- адамдардын топтолгон жерлеринен, демонстрациялардан жана башка массалык иш-чаралардан качышы;
- жергиликтүү бийликтердин жана укук коргоо органдарынын көрсөтмөлөрүн жана сунуштарын сактоосу;
- өзүнүн жеке документтерин жана Кыргызстандын элчилигинин байланыш маалыматтарын алып жүрүүсү;
- жергиликтүү бийликтердин жана дипломатиялык мекемелердин расмий билдирүүлөрүн байкоосу.
Кыйынчылык жаралса, кыргызстандыктар Тегерандагы КР элчилигине кайрылышы керек. Ысык линия: +989352505226, +989352505229.