Эми "Мядининкай" чек ара өткөрмө пунктунан өтүүгө дипломаттарга, дипломатиялык почтаны коштогон адамдарга, Калининградга же андан чыгып жаткан жарандарга, ошондой эле Литва, Европалык Союз өлкөлөрүнүн жарандарына жана Литвада убактылуу жашоого уруксаты бар чет элдиктерге же гуманитардык визалары барларга гана уруксат берилет, деп айтылат расмий билдирүүдө.
Учурда, киргизилген чектөөлөрдүн себебинен, чет элдик жарандар, анын ичинде кыргызстандыктар, Беларусь аймагына өтүүнү күтүүгө мажбур.Жогоруда айтылганга байланыштуу, министрлик Кыргызстандын жарандарын Литвадан чыгуу үчүн альтернативдүү маршруттарды алдын ала ойлонуп алууга катуу сунуштайт.
Литвада болгон кыргызстандыктар консулдук жардам алуу үчүн төмөнкү ысык линия номерлерине кайрылышы мүмкүн: +996 999 312 002 (КР Тышкы иштер министрлигинин консулдук департаменти) жана +375 25 904 54 10 (Кыргызстандын Беларусьтагы элчилиги). Ошондой эле электрондук почта [email protected] аркылуу байланышууга болот.
Башкы беттеги сүрөт иллюстративдик мүнөзгө ээ: delfi.it.
