2023-жылдын 29-октябрынан 30-ноябрына чейин Литва Республикасынын өкмөтү Беларусь менен чек арада жайгашкан "Мядининкай" жана "Шальчинкай" деген эки чек ара өткөрмө пунктун убактылуу жабууну чечти.
Бул чаралардын алкагында Кыргыз Республикасынын Тышкы иштер министрлиги Литвада болгон жарандарын, учурдагы чектөөлөрдү эске алып, альтернативдүү чыгуу маршруттарын алдын ала пландаштырууну сунуштайт.
"Мядининкай" пункту чектелген форматта иштейт, ал дипломатиялык кызматкерлерге, дипломатиялык почтаны жеткирүүчүлөргө, ошондой эле Литва, ЕБ өлкөлөрүнүн жарандарына жана туруктуу жашоого же гуманитардык визаларга ээ чет элдиктерге чек араны өтүүгө уруксат берет. "Шальчинкай" пункту толугу менен жабык болот.
Литва бийликтери маалымдагандай, учурда Беларусь менен чек араны өтүүнү күтүп жаткан чет өлкөлүк жарандардын, анын ичинде Кыргызстандыктардын топтолушу байкалууда.
Кыргызстандын Тышкы иштер министрлиги жарандарды киргизилген чектөөлөргө байланыштуу мыйзамсыз акцияларга жана нааразычылык билдирүүнүн башка формаларына катышуудан баш тартууга чакырат.
Эгер зарыл болсо, кыргызстандыктар төмөнкү "ысык линияларга" консулдук жардам үчүн кайрыла алышат:
Кыргыз Республикасынын Тышкы иштер министрлигинин Консулдук департаменти: +996 999 312 002
Кыргыз Республикасынын Беларусьтагы элчилиги (Минск): +375 25 904 54 10,
электрондук почта: [email protected]
.
