Уюмдун директору А. Б. 23-октябрда жоголуу тууралуу арыз жазып, болжол менен 12:45те 1979-жылы туулган жана биринчи топтогу майып Д. Н. Г. жоголгонун көрсөткөн.
Бул окуядан кийин текшерүү башталды. Окуя болгон жерге тергөө-оперативдик топ жөнөтүлүп, стационарда ар кандай оорулары бар 250 бейтап бар экендиги аныкталды. Курулуш иштеринин жүргүзүлүшүнө байланыштуу оор бейтаптар убактылуу үчүнчү кабатка жайгаштырылган. Персонал Д. Н. Г.нын жоктугун 12:30 чамасында сейилдөө учурунда байкаган.
Аялдын денеси стационардан үч чакырым алыстыкта төрт күндөн кийин табылды. Сырттан текшерүүдө дене жаракаттары аныкталган жок. Анын үстүндө кара штан, көк желетке жана ич кийим болгон. Денеси Жайыл районунун моргине жеткирилди, анда соттук-медициналык эксперт алдын ала өлүмдүн себеби катары батып кетүү жана сууктагандыгын аныктады.
Текшерүү уланууда.
Башкы беттеги сүрөт иллюстрациялык: yarnews.net.
