Бул чара Грузиянын туризм боюнча мыйзамдарына ылайык киргизилген жана бардык түрдөгү саякаттарды камтыйт: туристтик, бизнес жана жеке.
Камсыздандыруу полисин Грузиядагы же чет өлкөдөгү камсыздандыруу компанияларында алууга болот. Ал грузин же англис тилдеринде кагаз же электрондук форматта берилүүсү керек.
Камсыздандыруу боюнча минималдуу сумма 30 миң лариден кем болбошу керек. Полис келишим тараптары, күчүнө кирүү мөөнөтү, колдонуу аймагы, камсыздандыруу тобокелдиктери, төлөм суммасы, камсыздандыруу сыйлыгы, ошондой эле төлөм шарттары жана жери тууралуу маалыматты камтышы керек.
Тышкы иштер министрлиги Кыргызстандын жарандарын Грузияга кирүү үчүн жаңы талаптар менен алдын ала таанышып, саякат башталгандан мурун медициналык камсыздандырууну камсыз кылууга кеңеш берет. Чек ара контролун жеңилдетүү үчүн документтерди кагаз түрүндө алып жүрүү сунушталат.
Мындан тышкары, жарандын чет өлкөлүк паспорту, кайтып келүү билети жана турак жайды брондоо боюнча ырастоосу болушу керек болгон миграциялык эрежелерди сактоо маанилүү.
