Жаңы эрежелерге ылайык, Кыргызстандын жарандары белгиленген мөөнөттөрдү (180 күндүн ичинде 90 күн) бузган учурда Казакстанга кирүүгө чектөөлөргө дуушар болушу мүмкүн.
Мындан тышкары, Казакстан жарандарын 2025-жылдын 1-декабрынан баштап Кыргызстанга киргенде ушундай эле чаралар күчүнө кирет.
Министрлик жарандарды сапарларын алдын ала пландаштырууга жана Казакстандын миграциялык мыйзамдарынын жаңы талаптарын эске алууга чакырат. Бул чек араны көп жолу кесип өтүп, жумушка орношуу, окуу, дарылануу же башка узак сапарларды пландашкан адамдар үчүн өзгөчө маанилүү.
Казакстанга кирүү жана болушу боюнча толук маалыматты Кыргызстандын ушул өлкөдөгү элчилигинин расмий сайтынан таба аласыз.
Эгерде сизде суроолор болсо, төмөнкү телефон номерлерине кайрылыңыз: Казакстандагы Кыргызстандын элчилигинин ысык линиясы: +77761248833, Алматыдагы Генералдык консулдук: +77779967710, Кыргызстандын Тышкы иштер министрлигинин консулдук бөлүмү: +996999312002.
