Ведомствонун маалыматына ылайык, борборго Кыргызстандан адамдарды жумушка орноштуруу максатында чет өлкөлүк жарандардын топтук түрдө адамдарды кабыл алып жатканы тууралуу маалыматтар келип түшкөн.
«Уюштуруучулар Кыргыз Республикасынын жарандарын чет өлкөгө жумушка орноштуруу боюнча иш жүргүзүү үчүн тиешелүү уруксатка ээ эмес болчу. Жыйналган бардык материалдар уюштуруучулардын аракеттеринин мыйзамдуулугун текшерүү жана баалоо үчүн Ички иштер министрлигине өткөрүлдү», — деп айтылат пресс-релизде.
Борбор ошондой эле жеке жана юридикалык жактарды Кыргызстандын жарандарын өлкөдөн тышкары жумушка орноштуруу тек гана белгиленген тартипте берилген күчүндө болгон уруксаттын болушу менен мүмкүн экендиги тууралуу эскертет.
Агенттиктердин легитимдүүлүгүн борбордун расмий сайтында текшерүүгө болот.
