Учурдагы эрежелерге ылайык, чет өлкө жарандары визада же башка уруксат берүүчү документте көрсөтүлгөн убактыларды так сактоосу керек. Бул норма Кыргызстандын аймагында чет өлкө жарандарынын болушу боюнча нормативдик актыларда бекитилген.
Кыргызстанда виза алуу үчүн анын аймагында катталган юридикалык жактан өтүнмө болушу милдеттүү. Кыргызстан визалык саясатты либералдаштырууда этап-этабы менен жана салмактуу мамиле кылып, улуттук кызыкчылыктарды жана чет өлкөдөгү кыргызстандыктар үчүн визалык режим боюнча өз ара мамилени эске алат.
