Жүйө ишке кирген учурдан 2025-жылдын 31-августуна чейин 403 арыз кабыл алынган. Анын ичинен 358и жактырылып, 9у четке кагылган. 2025-жылдын башынан 30-сентябрга чейин 93 жаңы арыз катталган, алардын 121и оң чечим алган. Эң көп арызды Россиянын жарандары беришкен (64 арыз, 90 карта берилген), андан кийин Түркмөнстандын (9/10) жана Германиянын (5/10) жарандары турат. Ошондой эле «Мекен-карталар» Австрия, Беларус, Түркия, Иордания, АКШ, Украина, Италия, Корея жана Нидерланд жарандарына берилген.
«Мекен-картанын» мөөнөтү 10 жыл. Арыздарды карап чыгуу стандарттык тартипте 3 айга чейин, жөнөкөйлөтүлгөндө 1,5 айга чейин созулушу мүмкүн. Кыргызстандын жарандыгынан чыккан мекендештер үчүн процесс алты айдан ашпайт.
Мурда Кыргызстандын жарандыгына ээ болгон чет элдик жарандар, ошондой эле алардын балдары жана неберелери «Мекен-карта» алууга арыз бере алышат, кошуна өлкөлөрдүн жарандарынан башка. Арызды Кыргызстандын аймагындагы аймактык бөлүмдөрдө же калкты тейлөө борборлорунда, ал эми чет өлкөдө өлкөнүн дипломатиялык өкүлчүлүктөрүндө берүүгө болот.
«Мекен-картанын» ээлери көптөгөн артыкчылыктарды алышат, анын ичинде Кыргызстандын аймагына визасыз кирүү жана болуу укугу, туруктуу жашоо үчүн жашоого уруксат алуунун кереги жок, ошондой эле өлкөнүн жарандарыменен бирдей шартта эмгектенүү укугу. Мындан тышкары, медициналык жана билим берүү кызматтарын төлөөгө тең шарттарга ээ, ошондой эле 10 жыл ичинде айыл чарба жерлерин сатуу мүмкүнчүлүгүнө ээ. Жашаган жер боюнча каттоо чек араны кесип өткөндөн кийин 90 жумушчу күндүн ичинде жүргүзүлүшү керек.
