2025-жылдын 1-сентябрынан баштап Казакстандыктар үчүн Кыргыз Республикасынын аймагында болуу боюнча жаңы эрежелер күчүнө кирет. Бул тууралуу Кыргызстандын Улуттук коопсуздук мамлекеттик комитетинин Чек ара кызматынын маалымат кызматы маалымдады.
Жаңы нормаларга ылайык, казакстандыктар Кыргызстанда биринчи кирген учурдан тартып 180 күндүн ичинде 90 күндөн ашык болбойт. Алардын биринчи 30 күндүк убагында каттоодон өтүү талап кылынбайт. Бирок, эгерде өлкөдө бул мөөнөттөн узак убакытка калуу пландалса, каттоо милдеттүү болуп калат.
Эгер Казакстандыктар 90 күндүк мөөнөттү каттоосуз ашырып кетишсе, аларга кийинки 90 күндө өлкөгө кирүүгө чектөө коюлат.
Кыргызстанда мыйзамдуу болууну узартуу үчүн төмөнкү документтерди берүү талап кылынат:
- болуу жери боюнча каттоо;
- тургундук уруксат;
- убакыттуу жашоого уруксат;
- «Кайрылман» статусу;
- «Мекен-карт»;
- «Резидент-карт»;
- Кыргызстан катышкан эл аралык келишимдерде каралган башка документтер.
