Жаңы сунуштарга ылайык, жабыркагандардын категорияларынын аныктамалары өзгөртүлдү:
- «Каза болгон» категориясына эми кырсыктын ордунда же алган жаракаттарынан 30 күндүн ичинде каза болгон адамдар кирет, бул соттук-медициналык экспертиза менен тастыкталууга тийиш.
- Кеминде бир сутка ооруканага жаткырылган же жол кырсыгынан кийин үч күндүн ичинде медициналык жардамга кайрылган, жаракаттын кырсык менен байланышканын документ менен тастыктаган адамдар «Жаракат алган» категориясына кирет.
- Жаңы «Башка» категориясы киргизилди, бул категорияга ооруканага жаткырылууну талап кылбаган (мисалы, сызаттар жана көгөрүүлөр) жеңил жаракат алган адамдар кирет. Мындай учурлар боюнча маалыматтар өзүнчө катталат жана негизги мамлекеттик жол кырсыктары статистикасына кирбейт.
Ошондой эле, жүргүнчүлөр кыймылдагы автобуста же троллейбусунда айдоочунун же башка жол катышуучуларынын мыйзамсыз аракеттери жок кулаган жол кырсыктары расмий статистикага кирбейт. Бул эрежелер транспорт каражатын токтоткон кызматкерлердин мыйзамдуу аракеттери менен болгон жаракаттарга да тиешелүү.
Өзгөртүүлөр бир жумада күчүнө кирет.
Акыркы маалыматтар боюнча, 2024-жылы Кыргызстанда 7 423 жол кырсыгы катталды, анын натыйжасында 514 адам каза болду. 2025-жылдын тогуз айында 9 078 кырсык катталып, 636 адамдын өмүрү кыйылды.
